Genesis GV80 автокөлік қауіпсіздігі | Қазақстандағы Genesis дистрибьюторы

GV80 қауіпсіздік жүйелері

GENESIS GV80 автоматты түрде ағымдағы қозғалыс жағдайларын талдайды және тамаша жүргізілу сапасымен қатар жүргізушінің белсенді көмекші жүйесінің көмегімен максималды қауіпсіздікті қамтамасыз етеді.

Қауіпсіздік

Технологиялар мен инженерлік әзірлемелерді ақылмен үйлестіру GV80-ді жолдағы ең қауіпсіз жол талғамайтын көліктердің біріне айналдырады. Мақсатымыз – қай жерде жүрсеңіз де, өзіңізді қауіпсіз сезінуіңіз.

Бетпе-бет соқтығысулардың алдын алу жүйесі

Жүргізуші жол қиылысында солға қарай бұруға әрекет жасаған кезде қарсы жолақта қарсы келе жатқан автокөлік анықталатын болса, жүйе автоматты түрде тежейді.

Жүйе жүру бағыты бойынша басқа автокөліктердің, жаяу жүргіншілердің және велосипедшілердің бар-жоғын талдайды және жүргізушіге ықтимал қауіп туралы ескертеді. Егер соқтығысу қаупі пайда болса, қажет кезде тежеу жүйесі іске қосыла алады. Жол қиылыстарынан өткен кезде ықтимал бүйірден соқтығысулардың алдын алу үшін алдыңғы және бүйірлік радарлардың арқасында да тежеу жүйесі автоматты түрде іске қосыла алады.

Қауіпсіздік жүйелері

Жүргізушінің зейінін қолдау жүйесі

Аспаптар тақтасына кіріктірілген камера мен датчиктер жүргізушінің көздерінің бағытын тіркейді және егер жүргізуші көздерін жолдан басқа жаққа бұрған болса, аспаптар тақтасының дисплейінде ескерту сигналын іске қосады.

Машиналық оқыту

Жасанды интеллекті бар круиз-контроль

Машиналық оқыту жүйесімен толықтырылған интеллектуалды круиз-контроль бірегей жүргізу стилін таниды және жадқа сақтайды және оған сәйкес белсендірілген круиз-контроль режимінде көлік құралын басқаруды бейімдейді.

Жүргізушінің көмекші жүйесі

Көзден таса аймақтардағы соқтығысулардың алдын алу жүйесі

Қозғалыс жолағын ауыстыру кезінде егер артқы жақтан немесе бүйірден тез жақындап келе жатқан көлік құралымен әлеуетті соқтығысу қаупі бар болса, жүйе маневрге қарама-қарсы жақтан бір дөңгелекті тежеу көмегімен қауіптен сақтануға көмектеседі, бұл жүргізушіге автокөлікті бастапқы қозғалыс жолағына тезірек қайтып әкелуге көмектеседі.

Жолақта ұстау жүйесі

Бұл жүйе алдыңғы камераның көмегімен жолдың белгілеу сызықтарын таниды және автоматты түрде рульді бұру әрекетін жасай отырып, автокөлікке жолақтың ортасымен жүріп отыруға көмектеседі.

Артқы жүріспен қауіпсіз тұраққа қою жүйесі

Егер артқы жүріспен жүрген кезде жаяу жүргіншіні басып кету немесе өтіп бара жатқан көлік құралымен соқтығысу қаупі туындаса, жүргізушіге ескертеді. Егер ескертуден кейін қауіп сақталса — автоматты тежелу режимі қосылады.

Бұл жүйе тұрақ орнын анықтайды, және жүргізушіге тұраққа кіруге немесе тұрақ орнынан шығуға көмектесу үшін автоматты түрде рульді, қозғалыс жылдамдығын және берілістердің ауыстырылуын басқарады. Smart key кілтінің көмегімен жүйе жүргізушіге автокөліктің жанында тұрын оны автоматты түрде қашықтан тұраққа қоюға мүмкіндік береді.

Сенімді қорғаныш

10 қауіпсіздік жастығы бар жүйе

Алдыңғы орталық жастықты қоса алғанда 10 қауіпсіздік жастығы ерте бастан іске қосылады және жолаушыларды барлық жағынан қорғайды.

Сенімді қорғаныш

Алдыңғы жарықтандыру интеллектуалды жүйесі (IFS)

GV80-нің алдыңғы жарықтандыру интеллектуалды жүйесі қарсы келе жатқан жүргізушілердің көздерін қарықтыруға жол бермеу үшін қарсы жүріп келе жатқан көлік құралдарын анықтаған кезде фараларды күңгірттеуге арналған.